Te Waiata Toa o E Tu Whānau

Tema Hemi
  • Tāmaki Makaurau
  • Te Tai Hauāuru
  • Te Tai Rāwhiti

Ko 'Troubled'  te ingoa o te waiata i toa ai te whakataetae E Tu Whānau song competition i tēnei tau. Ko te tokotoru o ngā reo rōreka o tēnei waiata he kaimahi hapori, ā, he whakaū i te pai me te maungārongo ki te hapori o Whanganui tō rātou whāinga. 

Ko te mahi ngātahi me te hapori ngā mahi e ngākau nuitia ana e te tokotoru nei.

Ko tā Tyson Tauri nānā ngā mahi puoro o te waiata nei, "I te mea he kaimahi whakawhanake hapori mātou katoa, ko māua ko Jay he kaimahi ki Ngā Tai o Te Awa, ā ko Charlie he kaimahi ia ki Te Ora Hōu he rōpu hapori anō tērā."

Ahakoa i tata mahue i a rātou te wā aukati mo te whakataetae, i eke tonu tā rātou waiata.

Ko tā Tauri anō, "I rīkoatangia e mātou i te waiata, ā i rīkoatangia i te waiata me te kapohia i te taha o te kiriata i roto i te takiwa o te wha rima haora pea."

Ko 'Troubled' te ingoa, ā, e kōrero ana te waiata mo ngā tāne Māori me te whakakaha i a rātou ki te whakapūaki i o rātou whakaaro.

I whakakōpani ai a Tyson me tēnei kōrero, "He waiata tēnei e whakamana ana i ngā pāpā, i a tātou ngāi tāne, me ngā whēakotanga ka whēakongia i roto i te ora, ko ngā māharahara ka whakapā ki a mātou. Ehara i te mea i uru mātou i te whakataetae nei me te whakāro kia toa ai i tētahi tāonga hēoi he mea mīharo kia whakanuia a mātou mahi e te hunga o Aotearoa nei."

Ko tā tēnei o ngā kaiwhakawā i eke rātou ki te kōunga o ngā mahi.

Ko tā Maaka Macgreggor kōrero, "I tino rata au i te whakatakotoranga o te waiata, te āhua o ta rātou waiata, ko te whakatakotoranga a ngā kupu me te hangai o te waiata ki te kaupapa o E Tu Whānau me te mea hoki ko te āputa he pai he maungārongo."

I toa rātou i te rima mano tāra, i mutu tuarua mai ko Dion Whaanga me tana waiata 'Ill call you in a little while'  me te turanga tuatoru i riro ki a Haley Grace-Hollis nō Turanganui-a-Kiwa me tana waiata 'Hold on".