Te tau tuaono o te Ripene Mā

Dean Nathan
  • Te Tai Tokerau

Mai i ngā hau e wha neke atu i te toru rau ngā tāngata ma runga hoiho rino i tae mai ki Whangarei ki te kawe i te kaupapa o te ripene ma.

He tuhonotanga tēnei o ngā tini ropu me ngā karapu ka tae ake ki te hohipere o Whangarei ki te tautoko i te kaupapa o ngā kaikake motopaika o Hikurangi kei te tuku perehana ki nga tamariki turoro.

Mai ra ano ehara te Ripene Ma i te kaupapa i whakaturia ai hei mahi moni kohi koha ranei engari heoi ano he kawe i ngā korero hei whakamohio atu ki te iwi. 

Na, ahakoa kei runga tonu ngā tatauranga mo te tukino wahine tukino whānau, e mea ana ngā kaiarahi ehara hoki i te mea kahore he painga o ta rātou e kokiri nei.

Ka taea tenei ropu te kī, kei te tu matāra tonu rātou ki te arai atu i ngā mahi tukino whānau.