Ngā kaupapa: Arts, Business

Te Rōpū Wāhine hauora o Te Arawa

Mere McLean
  • Waikato/Te Waiariki

He wāhanga nui tō te rōpū wāhine hauora o Te Arawa ki ngā hītori o Rotorua, ā, kua noho rātou hei kaupapa rangahau ma te kaituhi Māori, a Tākuta Laurie Morrison.

Kua huri ōna rangahau hei whakaaturanga kitenga, hei pukapuka hoki ma te rōpū. Rua tau te roa e rangahau ana ia, ā, koinei tētahi o ngā kaupapa e piri ana ki tōna uma. Ko te hītori ki runga i te rōpū wāhine hauora o Te Arawa.

Hei tā Tākuta Morrison anō, “Kāre tētahi i te tuhi korero ki runga i ō tātau kuia, ētahi o a tātau kuia āe, a nēhi Cameron, ka tika, engari mo a mātou ake kuia, karekau.” Autauhinera, koinei te pukapuka e āta titiro ana ki te hītori o te rōpū mai tōna ōrokohanga hei kimi hua mo te Māori ki roto i te hauora.

“Ko te tūnga i kawea e ō mātou kuia i ngā tau o te toru tekau ko te whakapakari i te hauora o tātau te iwi Māori, na te mea ehara i te mea i te pai mātou, kei te whakamīharo ahaua ki o rātou mahi, ā, i mahia i runga i te kore rauemi”, koinei tā Morrison whakaāro.

Nō te tau toru tekau ma whitu timata te rōpū, ā, kei te haere tonu i tēnei rā, tokoiwa o rātou peka huri noa i a Rotorua. “Ko te mea nui kia kāua tātau e wareware ki a rātou i para i te huarahi mo mātou kē te take.”

Na ōna rangahau kua puta hoki tēnei whakaaturanga whakakitenga, ā, kei te whare kaunihera o ngā roto moana o Rotorua e tū ana, ka mutu hei te rua tekau mā rima o tēnei marama.