Te Reo in decline among Auckland-based Māori

  • Tāmaki Makaurau

E ai ki tētahi ripoata hou,  e roroku haere ana te reo Māori ō ngā Ngāi Māori e noho ana ki Tāmaki Makaurau ki tā ētahi atu o te motu. Nā te Poari Māori Motuhake ēnei rangahau i kitea i raro i tā rātou mahere o Ngā Whāinga Māori mo Tāmaki Makaurau. Kei tā mātou kaikawe kōrero a Peata Melbourne te roanga atu.

Nā te poari Māori motuhake te rangahau e kapo ana i ngā āhuatanga a Ngāi Māori e noho ana ki Tāmaki Makaurau. He pai te nuinga o ngā hua, heoi ka kitea hoki ngā tino wero.

Ko Tāmaki Makaurau te kāinga ki te hauwhā o Ngāi Māori, he haurua o Ngāi Māori e noho ana ki Tāmaki Makaurau kei raro i te rua tekau mā rima tau te pakeke, tāpiri, kei Tāmaki hoki te matatotorutanga o ngā tangata Māori ki Aotearoa huri noa.

E ai ki te heamana o te IMSB, David Taipari, “We've had one hundred and fifty years of disenfranchisement [and] alienation making us be someone else so it's a big road back for us all.”

Kei roto hoki i te ripoata e tohu ana he rahi ake ngā Māori i roto i ngā tūranga mahi whakahaere poari, kaimahi hoki i Tāmaki Makaurau i tērā o wāhi kē, tāpiri, ka tuku pōti te nuinga i roto i ngā pōtitanga ā rohe.

Hei tā Taipari, “People can use this report, and use the Māori Plan, use the report and even try and look at their own areas and measure it against, and see what their  councils or central government or themselves are doing to proactively raise the quality of life for their people.”

Heoi ki te taha o te reo, e hia kē nei ngā mahi kua kitea i roto i ngā tekau tau kua pahure e tautoko ana i te reo me ōna tikanga, pēnei i ngā wānanga reo, ngā kura kaupapa, me ngā kamupene pāpāoho. Inā te pātai, he aha i roroku haere ai te reo Māori i waenga i te hunga Māori e noho ana ki Tāmaki Makaurau?

E ai ki a Taipari, “We're the highest population of Māori in the country, and we've got a range of tribal people here so it's just not like a home on the East Coast or in Hauraki for example where all the tribes are there, this is a big Māori population and Auckland as a whole is facing some significant issues.”

Koinei te tuatahi o ngā aromatawai mahere Māori, te tuatahi hoki o ngā aromatawai maha.