Te pukuriri a tētahi uri Ngāti Manuhiri mō te whakahētanga a te Karauna

Dean Nathan
  • Te Tai Tokerau

Ko te mutunga kē mai hoki o te koretake!  Koia tā tētahi o te kāhui tekau tuatahi i tuku tono atu mō ō rātou mana tuku iho ki te takutai moana i raro i ture takutai moana rua mano, tekau mā tahi, ā, nōnākuanei ka whakakahoretia atu e te Karauna.

He tikanga tūturu ta te Māori ki raro te ture tuku iho o Ingarangi engari ki Aotearoa nei kua oti kē te muru.

E mea ana a Greg, te aro i te Karauna te whakapapa o ngā whānau me ngā hapū o tēnei takiwā engari he pai tana kōrero ki ngā rōpū kē pērā i ngā rōpū tiaki whenua me ngā rūnanga.

He wahine rongonui te tūpuna whaea o te koroke nei a Rahui Te Kiri mō te kaukau tawhiti mai i tana kāinga i runga i te motu o Hauturu ki tuawhenua.  Engari nō ngā waru rau tau o tērā atu rautau ka peia ia e te Karauna i tōna ake motu, ā, ka hereherengia tana tāne mō te whawhai atu ki a rātou.  Heoi anō, kahore te Karauna e hiahia ana te rongo i ngā mahi tinihanga o mua.

He tikanga tūturu ēnei i murua te Kāwanatanga o Reipa i ngā tau tata nei, kātahi ka ara mai ko te Pāti Māori me te whai kia whakatikangia engari i raro i te ture o te wa e mea ana a Greg, kua huri kōaro kē ngā mea katoa.

He poto noa te wā ka kapi te wāhanga ki te Māori hei tono mō ōna tikanga tūturu.