Te Puea to redistribute remaining donations

updated
  • Tāmaki Makaurau

E whā ngā rohe o te Ika a Māui ka whiwhi i ngā rawa kua kohaina ki Te Puea Marae. Ko tā te Heamana o te Marae, tā Hurimoana Dennis, i a rātou e whakamutu atu ana i te kaupapa Manaaki Tangata i Te Puea, ko te hiahia, he awhi atu i ērā atu ratonga, marae, hapori rānei e whakaruruhau ana i te hunga kore kāinga.

Ko taua āhua rā anō mō Hurimoana Dennis, he mahi i ngā mahi, hei painga mō te kāinga kore. E whakarite ana te marae mō te whakamutunga o tana whakaruruhau whānau, hei te paunga o tēnei marama, engari, e hiahia tonu ana rātou ki te tautoko i ēnei momo mahi.

“I wānanga mātou ki ētehi kaupapa pēnei ana e whā, nā te mea i te mutunga o tēnei kaupapa, kua haere mai ngā rōpū e whā, e tukua e mātou ki a rātou, ngā kai, ngā kākahu me ngā putea.  Koinei te tumanako a te poari o te marae, whakakotahi ki te taha o ētahi ngā rōpū, e rōpū pēnei ana a mātou o Te Puea, mārama tā rātou nei mahi, kātahi, e tukua ngā surplus, ngā rauemi ki a rātou,” hei tā Dennis.

Tōna tekau mā tahi ngā wiki kua hipa i te tūwheratanga o ō rātou tatau ki te āwhina i te hunga kainga kore.  Mai i tāua wā, ono tekau ngā whānau kua whiwhi nohoanga.  Ā kua whakapiri rātou hei whānau kotahi.

Hei tā tetahi poutiaki o Te Puea Marae a Mona Kingi, “I'm feeling really down at the moment.  I miss, I miss, it’s been a real good challenge, and it was, like to me it came out of nowhere.”

Engari, e awangawanga tonu ana ngā rātonga hapori mō te hunga e hia whare ana.

E ai ki a Darryl Evans no Mangere Tiaki Pūtea, “Rents have risen to 65% of the average income, and it's not sustainable. Especially if you're on low income, you should be paying no more than 25 percent of your income, as a state tenant does to Housing NZ.”

Hei tā Dennis ka tukuna e rātou ngā tākoha ki ngā rōpū i Te Tai Tokerau, Manurewa, Kirikiriroa me Tauranga anō hoki.