Te Puea leak dirty politics – Mahuta

  • Tāmaki Makaurau

Kua tū tautoko mai te mema pāremata mō Hauraki-Waikato me te whānau o Te Puea marae i te Heamana i a Hurimoana Dennis. E ara ake ana tēnei i te whāki kōrero a tētahi kaimahi a Paula Bennet ki te hunga pāpāho, kei te whakatewhatewhangia a Dennis e te ture.

E whakapono a Mahuta, me heke te kaimahi a Paula Bennett i tana tūranga.

“I whakapā atu a Paula, engari he tino āwangawanga, ka mahi tōna kaimahi i tērā hei whakatoimaha ngā mahi pai kei waenganui i te marae o Te Puea,” hei tā Mahuta.

E ai ki a Paula Bennett te minita take whare, “She did offer to resign and I said, I didn't think that was necessary.”

Heoi, e tautoko tonu ana ngā hāpai ō o te marae i te heamana.

“Through this time I really do support him, because he knows how to handle people, how to talk to them nicely,” hei tā tetahi kaimahi Mona Kingi.

I whāki atu a Hurimoana Dennis ki a Paula Bennett, kei te rangahaua ia e ngā pirihimana, i a rāua e hui ngātahi ana i tētehi whare kawhe i tērā wiki, ki te kōrero mō te tautoko a te kāwana ki te marae.  Ka whiua ngētehi atu pātai e te māngai take whare o te rōpū Reipa a Phil Twyford ki rō pāremata i te rangi nei.

“Was the staff member who joined her for the meeting with Hurimoana Dennis at the Mt Eden cafe the same staff member who passed the information about the police investigation to the journalist?”

Ko te whakahoki a Bennett, “Mr Speaker I’m unwilling to confirm or deny whether or not it was the same staff member because I think it might identify them and I don’t think that if fair.”

Otira kei te taunaki tonu te pirimia a John Key i te Minita.

“One thing about Paula, she wears her heart on her sleeve.  She's very upfront with people, she doesn't lie to people, and she certainly wouldn't lie to me.  Yes her staff members made a mistake.”

Ko tā te tari pirihimana, i whakaunuhia a Dennis i te marama o Mahuru, i tērā tau, i te tirohanga ngōna te take.

Hei tā Mahuta, “Me mahia te kāwanatanga i ngā mahi hei hāpai, hei whiwhi i ēnei whānau tētehi whare mā rātou.”

I whakapā atu a Te Kāea ki a Hurimoana Dennis, ki te uiui i a ia, engari, tē taea ia.