Kaupapa: Housing

Te Ope Whakaora e toro nei i o rātou awhina

Mere McLean
  • Waikato/Te Waiariki

Kei te rongo ngā whānau o Rotorua i te mātao, na whai anō kei te rere ngā ringa āwhina o Te ope Whakaora. Hei tā Kylie Overbye o Te Ope Whakaora ki Rotorua “ko ngā tūahuatanga kei te kite au, ā, kei te kite ia tau, ko te utu mo te whakamahana i te whare kei te piki haere, ā, he uaua ki te utu”.

Ko te whāngai i ngā kete kai, ngā āwhina toko i te ora, me ngā kaupapa whare i te taha o Te Manatū Whakahiatō Ora ētahi atu o ngā mahi a te ope nei. “Te hunga kei te hara mai waho ki tēnei taone kei te kimi oranga engari he raru nui kei konei mo ngā whare”. Atu i te Paengawhāwhā rua rau, toru tekau ngā whānau kua āwhinahia e Te Ope Whakaora ki te taha o ngā kaupapa toko i te ora, rua rau, ono tekau mā tahi ngā whānau kua whiwhi kete kai, ā, rua tekau ngā whānau kua whai awhina mai a rātou ki te taha kākahu, wāhi noho hoki.

“Ki te puta ngā uauatanga ki te utu i te rēhi, utu whare rānei he uaua ki te hoko kai mo te tēpu. Ko tētahi o a mātou mahi he awhina i te hunga mā te hoatu kete kai, kia pai ai rātou te utu i o rātou nama”. E ai ki a Kylie kei te rahi ake ngā whānau e haere ana ki ngā rōpū awhina pēnei i Te Ope Whakaora, ā, e kake tonu nei te utu oranga.