Ngā kaupapa: Elections, Politics

Tē mōhio mehemea ka haere tonu te kaupapa o Whānau Ora

  • Te Whanganui-ā-Tara

E kore te Rōpū Reipa e tuku kī taurangi ka haere tonu te kaupapa Whānau Ora ki te noho ko ia hei kāwanatanga.

E ai ki a Reipa kei te pīrangi ia kia matua arotakengia, mā reira e kitea ake ai te ara whakamua. Kei tā mātou karere take tōrangapū, kei a Maiki Sherman, ngā whakamahuki.    

I a Reipa  e whakatairanga ana i ana kaupapa here ki ēnei kaipōti, e ngakaurua ana ia ki te tautoko i te kaupapa here o Whānau Ora ki te noho ko ia hei kāwanatanga.

Ko te kaupapa o te Whānau Ora, he kaupapa āe, ēngari he maha ngā kaupapa anō atu hei tino whakapakari i wa tātou whānau kia kimi oranga.

Āe marika e ai ki a Nanaia Mahuta ēhara a Whānau Ora i te matā hiriwa, nā whai anō, ka arotakengia e Reipa. He kōrero e whakatakariri ana i te Minita Whānau Ora, i a Tariana Turia

Tūturu he tohe tawhito tēnei mo te mema o mua o Reipa

Kāti, ko tētahi māharahara o Reipa ko te ngoikore o ētahi tari kāwanatanga ki te whai wāhi atu ki a Whānau Ora.

Ahakoa pēhea, e kore e kahore ka noho ko tēnei tētahi take nui ka toheatia i te takahanga ki te kōwhiringa pōti.