Kaupapa: Housing

Te moe ki rō tēneti a tētahi māmā hei tīpako i ngā raru ā-whare ki Ōtautahi

Te Kāea
  • Te Waipounamu

I moe a Nellie me āna tamariki tokotoru ki tenei tēneti inapō, ā, i tū hēteri, ko ngā wātene Māori.

He tokomaha kua whakatūwhera i ō rātou kuaha ki a ia me tana whānau.

Engari, kei te tokatū moana a Nellie ki te whakaara ake i ngā raru noho whare i Ōtautahi ki ngā mana o te motu.

I tēnei ata, i pōhiri ngā āpiha o te kaunihera i a Nellie ki tētahi hui i ngā tari o te kaunihera.

I angitū a James Hadlee, kai-mahi o te tari whare o te kaunihera, ki te kimi whare mā te whānau Hunt.

Ka neke a Nellie me āna tamariki ki tētahi whare hōu ākuanei.

Ko tana tūmanako, kua oho ake te kāwanatanga ki ngā whānau e auē ana mō te tautoko i Ōtautahi.