Ngā kaupapa: Kapa Haka, Te Ihu - Day 1, Te Matatini

Te Matatini 2015 - Te Ahikōmau a Hamoterangi

Te Kāea
  • Te Waipounamu

Ko Te Ahikomau a Hamoterangi te rōpū iwi kāinga tuarua kia tū ki te atamira o Te Matatini i tēnei tau ki Pūtaringamotu.

I ahu mai a Te Ahikomau o Hamoterangi i tō rātau kapa mataamua, i Te Ahikāroa.

I mea mai te kaitātaki tāne o te rōpū, a Rāniera Dallas ki Te Kāea, "Ko te aronga matua a te rōpū, ko te whānau. Koinā te mea nui ki a mātau, mai i ngā kōhungahunga tae rawa ake ki te hunga pakeke."

Hei tā Waipounamu Te Karu, "I tīmata a Te Ahikomau i te tau 2012, engari anō a Te Ahikāroa. I tīmata kē rātau i te tau 1993, nō reira e rua ngā kapa. Mā te hunga rangatahi, pēperekou a Te Ahikāroa.  Ko Te Ahikomau o Hamoterangi, he tira whakataetae i te nuinga o te wā."

He pekanga rātau o te hunga i tae mai ki te pōhiri inanahi nei.

Anei e whai ake nei ko tētahi o ā mātau ripoata e whakaatu ana i ngā mahi takatū a te rōpū i mua i tā rātau tū.

Ko tā rātau whakaeke tēnei hei mātakitaki ake mā koutou. Ko te ingoa, ko Tauhinu Korokio.