Ngā kaupapa: Kapa Haka, Te Ihu - Day 1, Te Matatini

Te Matatini 2015 - Ngāti Rangiwewehi

Te Kāea
  • Waikato/Te Waiariki

Ko te kapa haka o Ngāti Rangiwewehi te rōpū tuarua kia eke ki runga i te atamira i tēnei te rangi tuatahi o Te Matatini 2015. I te hounga mai o te hākerekere ki Pūtaringamotu, i kitea e rātau te kaha o te tū a te tira nei. 

Ko ngā kaiwhakahaere o te rōpū, ko Deana Rika, ko Dan Vaka, rātau ko Te Whānau o Ngāti Rangiwewehi. Ko ngā kaitātaki ko Deana Rika rāua ko Murray Bidois.

I hoki pūioio mai a Ngāti Rangiwewehi ki te atamira whakataetae; nō te 1996 te wā whakamutunga i toa ai rātau i tō rātau ake papakāinga ki Rotorua, ā, ko te tau 1983 te tau i toa tuatahi ai rātau ki Heretaunga.  

Ko tā rātau aronga matua hei kapa, ko te whakatairanga i tō rātau 'Rangiwewehitanga' mā roto mai i ngā mahi ā rēhia, ko te tū whakahīhī hoki hei uri o Ngāti Rangiwewehi.

Anei tētahi o ngā wāhanga o tā rātau tū i te whakataetae ā rohe o Te Arawa i tērā tau. 

Anei hoki tā rātau whakaeke, ko Pōhauhau, i mahia mai e rātau i Te Matatini i Pūtaringamotu.