Ngā kaupapa: Kapa Haka, Te Ihu - Day 1, Te Matatini

Te Matatini 2015 - Ngā Uri o Tamarau

Te Kāea
  • Te Whanganui-ā-Tara

I te rangi nei tū ai a Ngā Uri o Tamarau nō Te Whanganui-a-Tara.

Nō te tau 2012 whakarewahia ai te tira nei hei tira ngahau noa i tā rātau whakataetae-ā-rohe i runga anō i te hiahia kia whakapuakitia ngā kōrero ake ā rātau.  

Mai i reira, i koke whakamua rātau ki Te Matatini mō te wā tuatahi i te tau 2013 ki Rotorua, ā, e hīkaka ana rātau kua hoki anō ki te atamira ā motu. 

Ko ngā kaiako o te rōpū nei ko Kura Moeahu rāua ko Wikitoria Ratu.

Hei tā Kura Moeahu, he nui tōna hiahia kia whakakotahi mai i tōna iwi, me te tūhonohono anō i tōna hapū me tōna whānau ki Tamarau, te pāpā o Awanuiarangi.

Inā hoki te kōingo nui kia whakakaha ake i te whanaungatanga o te tira. Mā reira e ora tonu ai tā rātau ake ahurea, tā rātau ake mita hoki.

Anei tā rātau tū i te whakataetae ā rohe o Te Whanganui-a-Tara i tērā tau.

Kia hei atu te titiro ki tā rātau waiata ringa i mahia e rātau i te rangi nei. Anei, e whai ake nei ko Nui Mai Te Panga o te Hau.