Ngā kaupapa: Kapa Haka, Te Ihu - Day 1, Te Matatini

Te Matatini 2015 - Hātea Kapa Haka

Te Kāea
  • Te Tai Tokerau

Ko Hātea te rōpū tuatahi nō Te Tai Tokerau i tū ki Te Matatini i tēnei tau. I te rangi nei i tuku rātau i ngā kupu whakamānawa ki te māreikura nō Ngāti Hine, arā ki a Tihi Puanaki.

Ko ngā kaiako o te tira, ko Joby Hopa, ko Otene Hopa, ko Marcia Hopa rātau ko David Tapene. 

He hanumitanga tēnei tira o ngā whānau, o ngā marae o Whangarei, me ērā kei waho kē i te rohe e noho ana. 

E mōhiotia ana a Hātea mō te rōreka o ō rātau reo waiata, ā, i whanga mai te tini ngerongero kia rongo i tā rātau waiata ā ringa whai muri iho i tā rātau angitū i tērā wāhanga tonu i te tau 2007, 2011 hoki.

I te whakataetae Matatini i te tau 2013, i riro i a rātau te taonga e kiia nei ko "Te Taonga ā Te Rōpū Waiata Māori o Aotearoa"

Anei tā rātau waiata ā ringa i mahia e rātau i ngā whakataetae-ā-rohe i tērā tau.