Te Mangai Pāho want iwi radio to increase listenership

  • Te Tai Tokerau
  • Te Waipounamu

Me whakarahi ake e ngā reo irirangi māori ā rātou kaiwhakarongo mā te rua ōrau hei ngā tau tekau ma rua e haere ake nei. Koinei te whakahau a Te Mangai Pāho ki te hui a motu o ngā reo irirangi i Tāmaki Makaurau i te rā nei. Kei a Semiramis Holland tēnei pūrongo.

E ai ki Te Mangai Paho, e toru rau mano te nui o ngā kaiwhakarongo ki reo irirangi rua tekau mā tahi huri noa i te motu

Ā ko te whakahau atu a TMP ki ēnei kaiwhakahāere reo irirangi māori i te rā nei, me rahi ake taua nama.

“I'm asking the iwi radio stations over the next 12 months to increase that figure by 2 percent,” hei tā te timuwhakarae o Te Mangai Pāho a John Bishara.

E ai ki a John Bishara ahakoa tana manawanui ki nga tatau kaiwhakarongo, hei tāna he tikanga nui te pūataata mo TMP.

“And very accountable and all we're doing is saying stick to your business, stick to your knitting and keep improving,” says Bishara.

E whakahau atu ana hoki a Te Mangai Paho kia huri ngā reo irirangi ki te ao a tihi. Ka piki ake ngā pūtea mo ia reo irirangi mai te toru rau waru tekau ma wha mano tāra ki te rima rau mano tāra.

Hei tā te mangai mo Te Whakaruruhau tā Erana Reedy kei te āwhina taua pūtea i te hūnukutanga atu ki te ao a tihi.

“Kei te whakarite matou te kahui o te whakaruruhau o nga reo irirangi maori te awhina i nga reo irirangi kaare ano kia tu ta ratou ipurangi no reira ae kei te whiriwhiri matou me pehea kia tutuki ai tera o nga ahuatanga kia tarea e ratou te hono atu ki o ratou iwi kaare i te wa kainga e noho ana,” hei tā Reedy.

E ai ki a John Bishara kāre he raru ā-pūtea mō ngā reo irirangi kāre i te rahi ake ngā kaiwhakarongo. Heoi hei tāna me waihanga rātou me te pouaka whakaata he hōtaka auaha whakaongaonga nei ki te reo kia māro ai tō rātou tū ki te ao pāpāho.