Te Mangai Pāho look to invest in more Māori music videos

Gloria (Korōria) Taumaunu
  • Te Tai Tokerau
  • Te Waipounamu

Kua piki ake te tautoko ā-pūtea a Te Mangai Paaho mo nga waiata Māori me nga ripene waiata Māori hoki, engari kaua mō ngā kopae waiata roa nei. E tautoko ana ētahi kaiwaiata Māori i tēnei ānganga whakamua engari ara tonu te wero i roto i te whakararata i te hunga kaiwhakarongo.

He wahanga nui to nga Waiata Māori i roto i nga mahi whakatairanga i te reo Māori

A, i te ao hangarau e ngunguru ana i te ao, i te po, e tautoko ā-putea ana a Te Mangai Paaho i nga waiata iwa tekau ia tau, a, e hiahia ana ratou kia piki ake te tautoko kia hanga mai i nga ripene waiata Māori.

E ai kit e tumiwhakarae o Te Mangai Paaho., a John Bishara, “In the next music round I hope to be able to fund approximately 50 music videos and that is us responding to again convergence in the technology world so that our waiata Māori is actually available on a number of mediums not just on radio.”

“Kei te huri haere te ao, ka hoki atu ki tera korero, me Hawaiki hou a Hawaiki tawhito, i te mea i tenei ao hurihuri he nui nga panga, o te ao hangarau nei. Na reira kia kaua e noho ki te ao tawhito” hei tā Tupoutama Paki, Kaiwaiata Māori.

I te tau 2010, 10 nga kopae waiata Māori i riro putea taunaki, e rima tekau mano taara te rahi. I te tau 2015 horekau nga putea penei te rahi i riro i te hunga whiwhi putea, engari ara nga waiata i tona kotahi, e toru ki te wha hoki, i whiwhi putea.

“For those music producers who are capable of doing ten tracks to an album of high quality Māori language waiata, than we are quite open to that but others choose to either do EP's or just single tracks,” hei tā Bishara.

E whakaae ana te kaihautu, kaiwaiata Māori a Amomai Pihama he whakaratarata kaiwhakarongo te whainga, engari ara tonu ona maharahara mo te hanganga mai o nga kopae waiata roa, “E tika ana kia whai waahi nga atu nga kopae ki tumatawhanui// ki te kore kei hea he tuapapa kia rangona ai nga kopae kua puta i nga tau, mai i a Ruia Aperehama, mai i a Hinewehi Mohi, i a Moana Maniapoto, ko enei nga, koinei nga momo kopae i whakatupuria i a matou.”