Te Kaupapa Motown Street Warz o Moerewa

  • Te Tai Tokerau

Arā tētahi kaupapa whakanui i te wā kāinga o Moerewa, ma te whaka-toopu i ngā uri maha e whai hononga ana ki ngā rori matua o taua wā kainga tonu, i raro i ngā āhuatanga whakataetae, whakakoakoa hoki.

I timata ake te kaupapa nei i te Ramere, koia rā he wa whakawhanaunga i ngā tamariki, he po whakanui hoki i ngā kaumatua me ngā kuia o Moerewa.

No nanahi ka tīmata ai te ra e kitea ake ngā pakeke o tena, o tena o ngā tiriti o te wa kainga, e takaro atu ana ki a rātou ano, ma roto i ngā hākinakina pa whutupaoro, netipaoro, poiuku me te top town.

Ka mutu, he wa ano tēnei hei whakanui i ngā mahi rawe e whakaotingia ana i te wa kainga iti, o Moerewa, kei roto i te takiwa o Hineamaru.

Ko tēnei rā whakamutunga o Motown Streetwars, he taki a Kapa Haka ngā mahi, a, i te ra tonu nei, ka kitea ake ko wai te tiriti ka tapaina ko te whakaihu waka o ngā tiriti o Moerewa.