Kaupapa: Christmas

Te kaupapa hāpai i te hapori a te hāhi Elim

Dean Nathan
  • Te Tai Tokerau

He whakāro pai ki ngā tāngata ma te hapai i te pani me te rawa kore i ngā rā o te kirihimete.

Koinei te kaupapa rangatira a te hāhi Elim ki Whangarei i enei rā okioki, ma te tuku kai me ngā taonga ki ngā whānau o te rohe.

Hei tā Lucian Davis. “Ki au ko te awhi i ngā whānau kore whai moni i tēnei wa o te hararei he tino taimaha mo etahi whānau kit e hokona he kai hokona I ngā taonga mo ngā tamariki.

Noreira ae ki te hoatu ki whānau pohara me kī te kōrero engari ki ngā whānau kore whai moni hoki.”

Haunga ano te pani me te rawakore, he kaupapa tēnei e whakahoki ana ki ngā tangata e kaha nei ki te tautoko i ngā whānau me ngā kaupapa o te hapori.

He kaupapa nui tēnei kei te whakahaeretia te hāhi o Elim ki Whangarei ia tau, ki te toha i ngā pouaka kai me ngā taonga, ki te whakatu ranei tētahi hakarinui hei te rā whānau a te karaiti. 

I tēnei tau neke atu i te ono tekau ngā pouaka kai rangatira me ngā taonga kei te tuku haeretia ki ngā whānau o te takiwa hei enei rā okioki.