Kaupapa: Employment

Te Kaupapa 'Fast Track Job Match' ki Whangarei

Dean Nathan
  • Te Tai Tokerau

Kia whai mahi ai te iwi ki roto i te tauhōu. Koinei te aronga o te kaupapa, "Fast Track Job Match" ki Whangarei.

Hei tā korero a Eru Lyndon, “Kua kitea e au ngā kanohi o aku whanaunga kua tae mai rātou.  He kaupapa taunga te iwi Māori ki te noho ki te kōrero aa koina te tikanga o tēnei aa ko te mea nui ko te mahi.”

He kaupapa tēnei i timata ai ki roto o Te Waipounamu engari ka tiinihia e te kaunihera o Whangarei hei whakatutuki i ngā hiahia o te iwi o konei.

Kua roa e mohiotia ana ko Te Taitokerau he wahi kore mahi engari i roto i te wa poto noa iho e wha tekau ngā turanga mahi i tuku ki te hui tuatahi o tēnei kaupapa.  Nareira kei te mahingatahi te kaunihera me Te Manatu Whakahiato Ora ki te whakapumau i tēnei tu ahuatanga.

Hei tā Mita Lyndon, “He pohehe o mātou whanaunga o ngā rohe o Aotearoa kahore he mahi i roto i Te Taitokerau engari i te ra nei, kua tae mai ngā kamupene kei a rātou ngā mahi noreira me tirohia mehemea e tika ana ena kōrero mō tātou o Te Taitokerau.”

Katahi te perehana pai mō te kirihimete ina whai mahi ai tēnei hunga ki roto i te tauhou.