Kaupapa: Koroneihana

Te Kauhau o te Whirinaki a te Kingi

  • Waikato/Te Waiariki

Ko te whirinaki a te Kingi, ko Whatumoana Paki tēra i tū mai i tēnei tau ki te tuku i te kauhau o te Koroneihana mo tōna pāpā. 

Nā te nohonga māuiui tonu o Kingi Tūheitia kua tukuna e ia he mahi ā ngākau ki tana tama a Whatumoana hei kawe.   

I roto i te kauhau o tēnei tau i kōrero te Whirinaki a te Kingi mo te kaha tautoko o tōna whānau me te iwi whānui i tōna pāpā i tēnei wā taumaha mōna.

Tāpiri atu i whakamaramahia e ia tōna tino hiahia me te wawata hoki o Kingi Tūheitia ki te whakapakari i te tū o te hunga rangatahi Māori.

Ko tētahi o āna tono ki ngā M`angai ā Iwi o te motu ko te noho tahi me te hunga rangatahi ki te āta poipoi i ā rātou i roto i aua mahi hei whakamana i te tū o te hunga rangatahi ki roto i ngā iwi katoa o te motu a ngā tau kei te heke mai.