Te huritau rua rau o te taenga atu o Samuel Marsden ki Oihi

Te Kāea
  • Te Tai Tokerau

No tē ra nei hui mai ai te kawana tianara a Jerry Mateparae me ngā waka wairua o te motu, me te iwi kainga, ki te whakanui i te rua rau tau no te taenga mai o te mihinare a Samuel Marsden ki Aotearoa, me tana kauhau tuatahi o te rongopai ki te iwi Māori i Oihi.

Hei tā Shane Jones, “No Ruatara te oneone otira ko te purapura na Matenga I kawe mai, na e patere tonu nei ngaā hua me pera te kōrero.”

I konei ka puare hoki te ara e mohio ai a tauiwi o rawahi me o tatou hoa pākeha hoki kei konei tetahi kaupapa e whai panganui ana ki te iwi Māori kamutu tenei kaupapa e pa ana kia tatou katoa ki roto o Aotearoa.

Hei tā Kitohi Pikaahu, “Kua hoki tatou k ite wa o o tatou matua na rātou I powhri te rongopai tau mai ki konei tae noa mai ki tēnei whakatupuranga aa koia ko ta atou ko te kaupapa nui ko te rongopai a ko te kauhau I te rongopai.”

Hei te ra kirihimete te karakia a ngā mihinare ki konei hei whakanui I te tino huritau rua rau no te taenga mai o te rongopai ki tēnei motu.