Te huritau 35 o Takaparawha

  • Tāmaki Makaurau

Hei te Rāhoroi, whakamaharatia ai te huritau toru tekau mā rima o te urutomohanga a Ngā Pirihimana me Te Ope Kātua o Aotearoa ki Takaparawha ki te pei atu i te rua rau tāngata neke atu, i noho porotū ki te whakahē i te kaupapa whakatū whare a te kāwanatanga o taua wā, ki ngā whenua rangatira o Ngāti Whātua.

Nā Joe Hawke taua porotēhi i arataki, a, i te rā nei, i kōrero mai tana tamaiti ki a Te Kāea me te kī, he mea nui kia maumaharatia taua wā e ngā uri whakaheke o Ngāti Whātua o Ōrākei.