Ngā kaupapa: Business, Indigenous, Technology

Te Hui Pakihi Iwi Taketake o te Ao

Mere McLean
  • Waikato/Te Waiariki

E ai ki te heamana o Te Ohu Whai Ao, a Richard Jefferies, 'kei te Māori te mana ki te whakarite i ngā taura here ki te ao'. I whakatauhia ngā māngai nui o ngā whenua rua tekau mā rima i tēnei rā, e tohu ana i Te Hui Pakihi Iwi Taketake o te Ao ki Rotorua. “Kua hara mai wētahi, me o rātou pūtea e te kimi ana i ngā kamupene Māori, kia whakahau atu ngā pūtea ki roto, kia mahi tahi”. Neke atu i te rima rau ngā pakihi iwi taketake nō ngā whenua rua tekau mā rima kua tae mai ki Te Hui Pakihi Taketake o Te Ao “Ki te kaha ake mātou ki te mahi tahi he pai ake ngā mahi o tērā iwi, o tērā iwi, o tērā iwi, tuatahi ki te whakanui i ngā pūtea”. Hei tā Hikina Whakatutuki, neke atu i te whā tekau piriona tāra te wāriu o ngā rawa ka haoa e ngā pakihi Māori. “He tirohanga roa mo mātou heoi anō kei te kite mātou ara anō ngā mea ka tutuki ki roto i te wā poto”. Āpōpō, ka wāhia ngā kōrero e te Minita Whanake Māori e Nanaia Mahuta.