Te hononga o Ngāti Kahu-ō-Torongare ki ōna pōkai whenua

  • Te Tai Tokerau

E kārangirangi ana te noho a te hapū o Te Kahu-ō-Torongare, kei horomia o rātou tāonga tuku iho. Ko tā tētahi o ngā kaumātua, a Richard Shepherd, e noho tonu tōna iwi ki raro i te wairua pōuri nā te kaha whai o te hunga tauiwi i a rātou whenua, wāhi tapu hoki.

Kei Ngāraratunua te kainga noho o tēnei hapū o Ngāpuhi, e awangawanga ana mo te pikinga ake o ngā kaupapa ohanga ki tā rātou rako haumako. Ko tā te kaumātua i ngā wā ō mua he puna taua wāhi mo ōna tūpuna, he wāhi hī tuna anō hoki hei whāngai i a rātou anō. Heoi nā te kaha aronga o ngā pakihi tauiwi ki taua wāhi he pakanga kei mua i te aroaro ki te pupuri tonu i te wairua o aua wāhi.

E anga whakamua ana te Kaunihera-ā-rohe o Whangarei, me te hanga rautaki kia whai māramatanga ai tōna rohe ki ngā tāonga tuku iho a te Māori ki te taiao. Ko tā te kaikorero Māori mo te Kaunihera tā Solomon Tipene, kei te mahi ngātahi te Kaunihera me ngā iwi o taua takiwā ki te whai i ngā wāhi pēra. Heoi ko tā Shepherd kāre he paku aha tā te Kaunihera-ā-rohe mo te iwi Māori. Kotahi noa iho tā rātou aronga: ko te whai pūtea, engari he hiahia nui nōna ki te tutuki i te kaupapa mo te taiao.

Ko te kōrero kua tau kia Whakaata Māori ka timata ngā mahi ngātahi a Ngāti Kahu-o-Torongare me te Kaunihera-ā-rohe o Whangarei kia rēhita ai ō rātou mana tāonga tuku iho i tēnei tau.

Kairīpoata: Harata Brown.