Te hokinga mai o Golden Harvest

Aroha Treacher
  • Te Tai Hauāuru

Tērā ētahi tuakana teina Māori tokowhā i tupu ake ki Tūrangi i papatu i te ao waiata i ngā tau whitu tekau, ka tu tahi ano mo te wā tuatahi i tōna toru tekau tau.

Ka tu tō rātou peene, a Golden Harvest ki te whakangahau i te iwi i te po tohu Waiata Maori ka tū ki Heretaung.

Na te taera rereke o Golden Harvest me a ratou rangi manawataki, i eke rātou ki te puna toa tekau o te rārangi waiata o Aotearoa i te tau whitu tekau ma waru, me ta ratou waiata rongonui, I Need Your Love.

E mohiotia whanuitia ana te kairakuraku matua, a Kevin Kaukau, mo tana whakatangitangi ki ōna niho.

Na aua pukenga i whai tūranga ai ia ki te kiriata Mt Zion, hei kaiwhakaari i a Booker.

Ahakoa e noho wehe ana ratou, he tokorua ki Ahitereiria, he tokorua ano ki Aotearoa tonu, kei te muramura tonu to ratou arohanui ki te ao pūoro, a, ehara i te mea kua oti pai i a ratou a ratou waiata katoa te whakarewa.

Kei i a Aroha Treacher ngā whakamahuki.