Te Hau Kaenga o Ngāti Konohi tētahi o ngā roopu tawhito rawa ki Tamararo

Aroha Treacher
  • Te Tai Rāwhiti

Kua eke te whakataetae kapa haka Tamararo ki tōna tau ono tekau mā rima i tēnei tau, o ngā kapa tekau mā whitu i eke ki te atamira ko Te Hau Kaenga o Ngāti Konohi tētahi o ngā kapa tawhito rawa atu o te whakataetae.

"Ko te nuinga o wā mātou nei kaumatua i mahi ana ki timata ai te kapa haka o Whangara Mai Tawhiti, i timata mātou i te tau 1952," tā Haereroa Gibson, Ngāti Konohi.

"I tukunga e ia pariha he roopu ki te whakataetae heoi kua ki taumata kē atu i ēnei wā," tā Hemi Leach, Ngāti Konohi.

I whakatūria te kapa hei tautoko i te pariha o Whangara, heoi na wai ra ka kitea rātou ki te whakataetae Hui Toopu.

"He mea tino pai te whakatūria ai te tā mātou roopu Hau Kaenga hei tautoko i ngā roopu e whai waahi atu ki Te Matatini," tā Haereroa Gibson.

E hia tau rātou e ngaro ana i te whārangi, engari ehara te whakataetae i te mea nui ki a rātou engari kē ko te whakawhanaungatanga me te ako i ngā waiata tawhito. 

"He āmaimai te tū ki te atamira, e tumanakohia ana pea ka kowhiria māua e Derek," ko tāna e katakata ana.

He tū whakahīhī tenei hei whakanui i ngā mahi a tō rātou kaumuatua a Hone Taumaunu. Nāna i tito i te tini o a rātou waiata, ko ia hoki tētahi o nga pouārahi i Te Tairāwhiti.