Te āwanga a te Heamana o Ngāti Kahungunu mō ngā tūnga mahi rāngai hī ika

Aroha Treacher
  • Te Tai Rāwhiti
Ngāti Kahungunu CEO, Ngahiwi Tomoana

E āwangawanga ana te Heamana o Te Rūnanga o Ngāti Kahungunu mō ngā kaimahi 150 o Hawkes Bay Seafoods whai muri i te urutomohanga o tēnei kamupene inanahi.

I kuhu atu ngā āpiha tautuku me ngā pirihimana ki ngā whare mahi o te pakihi nei ki Te Matau-a-Māui, Te Whanganui-a-Tara, Tauranga, Tūranganui-a-Kiwa, Wharekauri me Ōtautahi.

Nā te whanau D’Esposito te kamupene nei, ā, hei tā Tomoana, "he ranga tuku painga ia ki te ōhanga o te takiwā me te oranga o ngā uri."

Ko tā Tomoana anō i tāna karere ki te hunga pāpāho, “Ka tautoko mātou i te tikanga hī hei tauwhiro i ngā ika, ā, ko te tūmanako ka tere whakatikahia te take nei e tāea ai e ō mātou uri te huataki ake i ngā mahi hī hei te 1 o Whiringa-a-Nuku i runga i te mōhio ka whai tūnga mahi tonu rātou puta atu ki te Kirihimete, ki tua hoki.”