Kaupapa: Business

Te angitū a ngā pakihi Māori

  • Tāmaki Makaurau

E angitū ana ngā pākihi Māori.

Koinei ngā kitenga i tētahi rangahau tirotiro pakihi a MYOB i puta ina tata nei.  I roto i ngā marama tekau mā rua kua hori ake, kua hipa i a ngāi kaipakihi Māori, a ngāi kaipakihi Auraki o Aotearoa, i te taha whakawhiwhi pūtea.

I ngā marama tekau mā rua kua hori, kua kitea e ngā kaiarotake pakihi o MYOB te tipu haere o te kaha o ngā pakihi e whakahaerehia ana e te Māori, ā, kāore a Francis Tipene, kaiwhakahaere o Tipene Tangihanga i te uru o Tāmaki Makaurau i te ohorere ki taua tatau.

E ai ki te rangahau kātahi anō ka puta i MYOB, e pūmau ana te haere o ngā whiwhinga pūtea ki ngā kaiwhakahaere pakihi Māori, me te mea nei, kua hipa kē i a ngāi pakihi auraki, i roto i tēnei momo tatauranga, ā, ko tā Francis, ko te mea angitū o ngāi Māori ki te ao pakihi, ko te mātatoru o ngā pūkenga i waenga i a tātou anō.

Kotahi tonu te whakatūpato a Francis ki te hunga e tīmata mai ana i tēnei ao o te whakahaere pakihi, ahakoa ko tēhea momo, me pupuru tonu ko ngā mātāpono i huataki ai te pakihi.