Ngā kaupapa: Arts, Tā moko/Kirituhi

Tata ki te rua rau ngā tāonga Māori i kohia mō te whakaaturanga "Tēnei Tonu"

Aroha Treacher
  • Te Tai Rāwhiti

Tata ki te rua rau ngā tāonga Māori i kohia mō te whakaaturanga "Tēnei Tonu" i whakatūwhera i te whare tāonga MTG i te Matau a Māui i te ata nei.

He kohinga e whakaatu atu ana i te hononga o Ngāti Kahungunu ki te whenua tipu.

He kura kāmehameha e hora nei, kei ia taonga, he kōrero onamata.

Mā ēnei uhi tā moko ka kite ai i te hangarau o nehe, i hukea mai i ngā rua hītori ki Porangahau me Mahia.

O ngā poupou ono tekau mā tahi i whakairohia e Hoani Tāhu, koinei noa te poupou e noho tonu nei i Te Matau a Māui.  Kei te noho mararā ngā toenga i te motu nei, i tāwāhi hoki.

I kitea hoki ngā mea o raurangi i tēnei whakaaturanga hītori nui.

E rua ngā tau a Tēnei Tonu e whakakitea ana i te whare tāonga nei.