Kaupapa: Kapa Haka

Tāmaki Makaurau Senior Kapa Haka Regionals - Te Manu Huia

Te Kāea
  • Tāmaki Makaurau

Ka tau mai rā a Te Manu Huia i tēnei tau me tētahi hanumitanga rangatira kāre anō kia tino kitea i roto i ngā tau, ā, kotahi atu ēnā āhuatanga ki ngā nekenekehanga me ngā nukunukuhanga ā-kapa e whakamahutahia ake ai ēnei uri o Te Tini o Wehi hei hoa haere mō Te Waka Huia ki ngā whakataetae ā-motu i roto i ngā tau.

I raro i te pouakotanga a Vicki Kingi rātou ko Tarumai Kerehoma, ko Tuirina Wehi, ko Moeahi Kerehoma me Harley Hoani, e aro atu ana a Te Manu Huia ki te whakapūmau i tō rātou tūranga hei kapa whakakanohi i a Tāmaki Makaurau ki Te Matatini ka tū ki Ōtautahi a tērā tau.

Kia mataara ake rā tātou ki tō rātou reo waitī, reo waitā i kōkirihia ake ai rātou ki ngā taumata teitei o tēnei whakataetae i roto i ngā tau kua pāhika atu rā.

Tēnei rā a Te Manu Huia me tā rātou