Kaupapa: Kapa Haka

Tai Tokerau Kapa Haka lifts to another level

Dean Nathan
  • Te Tai Tokerau

He pikinga ki taumata kee ki nga whakataetae kapahaka -a-rohe o Te Taitokerau.  Koira hoki te korero moata mai I nga kaiwhakawaa i te kaupapa hei tohu i nga kapa toa o te rohe kia haere ki Te Matatini. 

He hokinga mo Muriwhenua ki te papa tu waewae hei whakangungu i te turanga tuatahi kua nohohia e ratou mo nga tau e rua.

Hei ta Chris Henare, Muriwhenua,  “I te tatunga o te puehu me kii ra ko te mea nui kia ora tonu te reo kia ora tonu ano ra era o nga korero o tatou nei tupuna. Koira te mea nui kia  matou ahakoa kia toa kia whai turanga ki roto I te matatini ehara ko tera te whainga matua.  A, ko te mea nui kia matou ko te reo me te tikanga o te kainga.”

Mai i Ngati Hau ki Whangarei, ara mai ano te kapa o Hatea ki te pae.

Ko ta Joby Hopa, Hatea, “Kei konei matou kit e tautoko ahakoa te aha. Noreira I nga tau ki muri, to matou waimarie kit e whiwhi I tera taumata te ropu tuatahi o te kainga engari kei konei tonu matou kit e haka I nga mahi haka kit e waiata I nga waiata I nga hitori me kii mo wai mo a tatou tamariki mokopuna.”

Ko Nga Uri a Tu Teauru, ko Te Pu Ao me nga Nga Manu Matui o Ngapuhi nga kapa e whakakapi ana I te wahanga whakataetae o tenei tau.  Me te whakaae mai a nga kaiwhakawaa, i tenei tau kua piki ake ano te taumata.

Hei ta Deb Nathan, Kaiwhakawaa Matua, “Kua tutu te puehu I tenei wa tonu ka mohio, i tenei wa tonu ka mohio ai taatou hei te mutunga o t era nei ko wai nga ropu e toru ka toa  aa ka heke iho ki nga whakataetae a motu. I tenei waa tonu he miharo kee nga korero whakamaramatanga a nga tiati mo nga ropu.”

“A, ko te mea nui kia tu kaha a Ngapuhi , ka tu maia ka kitea e nga iwi whanui katoa te pukaha o Ngapuhi noreira kei konei e tu ake nei,” ko ta Hopa.

Aini ake nei tatou mohio ai ko wai ka hua ko wai ka tohu.