Kaupapa: Housing

TAHUA 2018: He whakautu pea mā Ngāi Tuakoka

Te Kapa ā-Tihi - Rereātea
  • Tāmaki Makaurau

Ko te whakapuakanga tuatahi mō te Tahua Pūtea i tēnei tau, i puta i te Minita Take Whare, i a Phil Twyford ki te marae o Te Puea i tēnei marama.

Ko tāna, he kotahi rau miriona tāra kua whakatahahia e te Kāwanatanga hei hāpai ake i a Ngāi Tuakoka. He toru tekau mā whitu miriona ka whakapaua hei rapu i ngā whare kotahi mano e rima rau i mua i te paunga o te hōtoke.

Ko te ono tekau mā toru ira whā miriona tāra ka whakapaua ki roto i te whā tau e haere ake nei hei whakawhānui ake i te hōtaka Housing First. Heoi, ahakoa te pikinga o te pūtea, tē taea e Reipa anake te whakatutuki i tēnei whāinga. Hei tā Twyford, e akiaki ana a Reipa i ngā ratonga me ngā rōpū hapori, kia toro atu ki Te Manatū Whakahiato Ora.