Survey reveals Wāhine spending habits

By Taroi Black
  • Tāmaki Makaurau

He ripoata mō te whakapau moni a ngā wāhine Māori kua puta i te kairangahau pūtea, i a Tākuta Pushpa Wood. Hei ko tāna, me waihanga kaupapa e hāngai pū ana ki ngā iwi tangata whenua kia pai ake tā rātou tiaki pūtea.

He hui ohanga tēnei i Tāmaki Makaurau hei āwhina i te hunga o āpōpō ki te penapena pūtea. I puta te ripoata hou a Te Kunenga ki Pūrehuroa e pā ana ki te penapena pūtea me te aro nui hoki ki te hunga wahine Māori me tā rātou ki te whakakii i tētahi tirohanga ono ki te tekau mā rua wiki te roa.

E ai ki tētahi Pouako Pūtea a Pushpa Wood , “OECD recent research shows that women are still low in their financial capabilities overall around the world. And Māori women are doubly disadvantaged."

E ai ki ngā rangahau, ono tekau mā whā o rau o rātou i whakapau pūtea ki ngā mea me whai, toru tekau mā ono ngā mea, pirangi noa.

"One of the challengers overall has been that money has become more ivisible."

Heoi ano, hei tā te kaiwhakataki mo Whanau Living a Stacey Morrison, e whakapono ana ia he maha ngā uauatanga mo te wahine Māori.

E ai ki tētahi Māmā a Stacey Morrison, “Ki te whai tatou i nga tikanga maori te nuinga o te wa ka whai whakaaro tatou ki te rawa ka kohia ma te iwi ma te whanau, ma te hapu.”

Rima tekau mā iwa orau o te hunga whakautu kāre e penapena pūtea ana, ā, rima tekau orau o rātou kāre he puka nama hoki.

Hei tā Morrison ano, “He uaua kua roa nei au e whai ana i ēnei tikanga engari ki te whakapau tātou i a tātou pūtea katoa, taihoa ake ka raru te whānau. Akene pea ka pupu ake tētahi aitua ka tino raruraru te whānau.”

Nā runga i te hiahia o te nuinga o ngā wahine Māori ka whakapakari i ā rātou hapū, iwi, marae ano hoki, ko te whakapono a Tākuta Woods, koira te whakautu nui ki te kaupare i ngā uauatanga. 

Tuaritia: