Steel still undefeated under Taurua reign

Rahia Timutimu
  • Te Waipounamu

Ko Southern Steel kei te tihi o te tēpu whakataetae, te kapa hinga kore hoki i te whakataetae Poitarawhiti ANZ i tēnei tau. Ki te pēnei tonu tā rātou tākaro, ka noho mā rātou te whiringa toa matua e hautū, he tuatahi ki Aotearoa nei. Ka mutu, ko te kaiako, ko Noeline Taurua anake te kaiako nō Aotearoa kua i te taitara nei, nōna i te kapa Waikato/Bay of Plenty Magic i te tau rua mano tekau mā rua.

He menemene tā ngā kaitākaro Southern Steel i tēnei wiki. Ehara ehara! Ko rātou anake te kapa e noho hinga kore ana i te whakataetae ANZ.

Hei tā Taurua, “Having a great team culture to a performance and winning culture has helped, everyone is doing their role.”

He roimata me te hūpē, koirā noa mā Southern Steel i te whakataetae nei, i tīmata i te tau rua mano mā waru. Ko te tuawhā te tūranga tiketike rawa mā te kapa i te tau rua mano mā iwa, tekau hoki.

I tēnei tau, e arahi ana rātou i te kapa tae tuarua mai mā te toru kaute, he tekau mā toru piro nui ake i tā te kapa tuarua i te whakataetae i Aotearoa.

E ai ki te tetahi o ngā kaituarā o te tīma a Te Huinga Selby-Rickit, “Kua kore tēnei tīma i pēnei te tata, no reira he hou katoa ēnei mahi mo matau, engari kua tae a Noeline, ahakoa he rereke ka mohio matou ia ki konei, no reira, ka tino whai matau, natemea no tona mohio, kua toa ia i tenei whakataetae.”

Ko tētahi take kua pēnei ai, ko te kaiako hou, ko Noeline Taurua. I tua atu i tana rīkoata hei kaiako toa i tēnei tau, ko ia anake te kaiako nō Aotearoa kua wikitōria i te taitara ANZ me te kapa Magic i te tau rua mano tekau mā rua.

Hei tā Te Paea Selby Rickit he kaihopu piro, “He tino rerekē ia, kare ia ka whai i te pukapuka, engari ona rautaki, ona whakaro ka tino wero i te hinengaro.”

E tautoko ana te kapa i a Noeline, kua eke ki ngā taumata toa o te whakataetae. Ko Jhaniele Fowler-Reid te kaikuru toa o te whakataetae

Hei tā Taurua, “It’s definitely a team effort, when you have a strong environment, you can only develop and grow.”

Tēra pea ka eke ko rātou te kapa tuatahi nō Aotearoa ka hautū i tētahi whiringa toa ANZ, ki te wikitōria tonu rātou io rātou tukinga katoa, tae noa ki te otinga o te marama o Hūrae.

“I thought when I first came here, and I laid it down, we can win, playing some of the top teams, it’s become a reality,” hei tā Taurua.

Heoi, arā ngā taumata hei eke, ka tuki rātou ki te kapa Swifts i te rauna whakamutunga o te whakataetae hei tēnei Rāhoroi.