Six in court over Kaitaia airport occupation

Dean Nathan
  • Te Tai Tokerau

E taea ranei te hamene i te tangata mo te haere pokanoa ki runga i ona ake whenua?   Konei te patai a nga roia mo nga tangata tokoono o Ngati Kahu kua hamenetia mo ta ratou whakanoho i te papa rererangi o Kaitaia i tera tau. 

E mea ana nga uri o Ngati Kahu, horekau e marama ana na te karauna te taitara ki te papa rererangi o Kaitaia.

Hei tā Hone Harawira, “Mena he taitara kahore ranei kua mohio te kawanatanga na Ngai Takoto me Ngati Kahu te whenua nei.  Kua oti kee i te kawanatanga te korero i taua korero nareira mena no ratou te whenua ko wai nga tangata e whakakahoretia ana ia Ngati Kahu te noho ki to ratou ano whenua.”

Kua tarewa te whakatau a te kooti mo te tono kia ahei ai he tohunga mataraunga ki te whakaatu i nga take a nga hapu o Te Patu Koraha, Ngai Tohianga me Te Paatu ki te whenua.

Hei tā Wikatana Popata, “Ae he mamae tera ki etahi kia matou katoa nga kaumatua nga kuia I noho ki runga ra nga hapu o reira I noho ki runga ra.  A, inaianei ?? te karauna e whakahee ana na matou tera whenua.”

E ai ki a Harawira, “E pai ana au te rongo i nga korero a Annette te tautoko i te tu a Makere Mutu hei reo mo Ngati Kahu hei kaikorero mo nga hitori o taua whenua mo Ngati Kahu.

E metia ana ehara tenei ite take tino rangatiratanga noa engari he take ahurei kee e pa ana ki te murunga a te karauna i nga tika a tetahi o nga iwi whainga panga hei tuku ma tetahi kee.

Hei tā Popata, “Kia whakaputaputa korero ki tenei .. ki nga kooti katoa nga mahi a Ngati Kahu I tenei wa kei roto I nga court appeals e mahi ana I nga mea katoa kia mohio atu te ao kia moho atu tenei karauna na matou enei whenua.”

Kua rite tenei take mo te roanga o tenei wiki.