Kaupapa: Education

Rotorua Māori-medium school achieves 100% pass rate

Mere McLean
  • Waikato/Te Waiariki

He kotahi rau ō-rau te eke a Te Kura Kaupapa Māori o Te Koutu ki Rotorua i te pae tuatahi, tuarua hoki o ngā aromatawai NCEA i te tau ki muri nei. Heoi, ahakoa taua whakatutukinga nui, ko te hiahia kē a te tūmuaki o te kura, a Uenuku Fairhall, kia ekea ko ngā pae katoa, me tāna e whakapono ana, ka tāea.

He kura Māori i raro i te maru o Te Aho Matua. Kotahi rau ōrau ngā tauira kua riwha. 

“I konei, he tokoiti iho ngā tamariki, ana, i runga i tērā ka āta noho ki te taha o tērā, o tērā ki te awhina ki te arahi, ki te wero, ki te wānanga,” hei tā Fairhall.

Tekau ngā tauira o Te Koutu kei te tau tekau-ma-tahi, i whiwhi i te tohu NCEA pae tuatahi i terā tau.

Rua tekau mā toru ngā tauira o Te Kura o Ruamata i mau i te tohu pae tuarua.

I te kāreti o Hato Paora neke atu i te tekau ō-rau ngā tauira ki ngā tau katoa, i eke ki te kōmata o te rangi. Hei tā Patrick Walsh tumuaki, Koinei te āhua onāianei o ana tauira Māori me erā o ngā moutere.  

Ko tā Uenuku Fairhall whakapono mā te kura e whai i te huarahi tika ma te tamaiti, kia eke ai ia i roto i te mātauranga.  

“Etahi o ngā tamariki, he ūpoko māro, ētahi o ngā tamariki kei te whakaaro mo mea kē, ētahi wā, ka ahua hē te rautaki o te tamaiti.”

Mo ngā kura katoa ki Rotorua i kite ake kua piki ake te paerewa o a rātou tauira ki tā ngā whakataunga a ngā aromatawai NCEA o tērā tau.