Road closures continue to limit Kaikoura access

Taroi Black
  • Te Waipounamu

Kei a Kaikoura e ai ki Te Rākau Whakamarumaru ka whai wāhi anahe te hau kainga te haere ki runga i te rori matua o Kaikoura mo ngā hāpai ō. Ā e noho pōkaikaha ana te hau kainga kia tatari mo te whakatikatika i taua rori.

Kei te kati tonu te huarahi i te tuawhenua whitu tekau i Kaikoura.

Hei tā tetahi kainoho a Alysha Sullivan, “Everything is still up in the air about the inland road opening or closing for kai and water coming through.”

Hei ta te rakau whakamarumaru o Otautahi ko nga whanau o Waiau me Mt Lyford anake ka ahei te whakamahi i te rori i waenga i nga haora o te tekau karaka ki te rua i te ahiahi.

Ko te waka topatopa anake te ara ka taea te whakamahi, he tekau meneti te roanga mai i te taone o Cheviot. Koia nei te ara o nga waka topatopa ki te tuku taputapu me te hari tangata hoki. 

Mai i te rangi ka kite hoki koutou i te tini tangata ka karahuihui atu ki Takahanga Marae ki te tiki kai me te wai. Ko te poutokomanawa tenei mo te hunga i ngau kinotia e te ru whenua.

Ko tetahi atu momo take ki tenei takiwa whai muri i te ru whenua kua puta ake te wai ara rua rau mita ki tera atu takiwa.

Ahakoa nga uauatanga o te wiki e hiahia ana te haukainga me nga turuhi o Kaikoura ki te whakamahea i nga whakaaro me te whakaora ano i te ao ohanga o ta ratou taone.