Kaupapa: Entertainment

Rere atu ai ngā mahi toi Māori a Lindauer ki Ūropi

  • Tāmaki Makaurau

Tangi hotuhotu ana te ngakau a ngā uri whakaheke o te kaitā pikitia a Gotfreed Gottfried Lindauer, me ngā uri hoki o ngā tupuna i peitahia e ia, i whakarauika mai ki te Whare Toi o Tāmaki, ki te poroporoaki i ngā taonga pikitia, i mua o ta ratou wehenga atu ki Ūropi hei ngā wiki tata e heke mai nei.

Ko tā John Reihana Kaati whakamārama, “I tae mai te tono ki ahau mēnā ka pai ki te hāere te whakāhua o taku tipuna ki tāwāhi, ka hāere au ki taku whanau ka whakaae katoa mai rātou.  He take hirahira kia kite mai te ao, i te ihi i te wehi o a tatou mātua tīpuna.”

Ka whai atu te rangatira nei a Patu Hohepa i ngā taonga i a rātou e takahi ana i te mata o te ao, a hei tāna e tika ana kia whakanuia a Lindauer mō tōna whakāronui ki te oranga o te iwi Māori i taua wā.

Ka wehe atu ngā taonga nei ki tāwāhi ki te whenua o Uropi i roto i ngā wiki e rua e tū mai nei, ka karore hāere mō te kotahi tau, ka hoki mai hei te paunga o te tau 2015.