Kaupapa: Christmas

Rere ana te wairua kirihimete ki waenga I te hunga pōhara o Ahuriri

Aroha Treacher
  • Te Tai Rāwhiti

I whakakapia ngā tiriti i Clive Square Ahuriri kia whāngai ngā tāngata toru rau neke atu mō te kai a te kirihimete.

He kaupapa i whakaritea e te rōpū Limitless Hope, kia rongo ai te hunga pohara i te wairoa o te kirihimete.

Huhua ana ngā ringa tūao me ngā kaipakihi e mahi ngātahi ana kia tutuki pai ai tētahi hākari hei whāngai i te hunga pohara.

Inā kē te reka o ngā kai me ngā kīnaki i horahia atu mā te marea. Kāore he utu o ngā rare, o ngā panekeke, o ngā kutinga hoki a ētahi mātanga kuti makawe.

Ia Rāhina ka whāngaia te hunga pōhara e Kevin rāua ko Kiri Swannell nō Limitless Hope, nō rāua te whakaaro nui nei.

Ko te hiahia a ngā Swannell's kia haere tonu ēnei hononga i a rātou e titiro ana ki te awhi tonu i te hunga kore kāinga hei tērā tau.