Repatriation of soldier’s one step closer

By Talisa Kupenga
  • Te Whanganui-ā-Tara

Ko ngā uri o ngā hoia i haere i te pakanga ki Mareia i ngā tau rima tekau kei te tata ki tā rātou hiahia whakahoki mai i ō rātou mate ki te wā kāinga. Ahakoa te ohorere i te aronga wawe mai a te kāwanatanga, e whakahē ana ngā whānau i te whakaaro tērā pea ka tū tēnei hei take tōrangapū i ngā pōtitanga a tēra tau. 

E kaha hiahia ana ngā whānau kia tere te whakahokitanga mai o ngā kōiwi hōia, whai muri mai i te karere a Te Minita Take Hōia.

Hei tā tētahi Māngai whānau a Paul Thomas, “Let’s get on with the job. It's not that difficult. Delaying this for next year's elections isn't going to help those next of kin."

Kua tono tuatahitia te Minita ki te Poari Hōia kia āta tirohia tēnei kaupapa. Kia whakahoki mai ngā hōia katoa i tāwahi mai i te tau whā tekau ma waru tae noa ki nga tau whitu tekau, i te mea kaore rātou e haumarutia i raro i tēnei ture.

E ai ki te Minita Hōia a Craig Foss, "The implementation of policy or the interpretation doesn't look like it was fair so that's what we're looking into. There is a very strong interest from the community supporting the Malaysian veterans and later the Vietnam veterans but of course there is about 99 New Zealand veterans buried outside Commonwealth War Graves across mostly Asia-Pacific."

Ka uiui te VAB i ngā whānau, ā, ka tirohia hoki nga tikanga Māori. Hei te marama o Whiringa a nuku ka hui te poari, ā, ka tuku tohutohu ki te Minita hei te marama o Poutū te rangi. Ko tā Thomas kua roa ngā whānau e tatari ana.

"It's been a long time. Some of these guys have been over there for sixty odd years now. To be more speedy with all this would really aid the next of kin," hei tā Thomas.

Ka ūtaki a Thomas ki te Heamana VAB a tēnei mutunga wiki.

E whakapae ana a Craig Foss, ka kore tēnei take e tū hei huanga i ngā kōwhiringa pōti ā tēra tau. Ko te wā kapi hei te Poutū-te-rangi e kōkiritia ana kia whai wā te VAB ki te āta mahi i ngā mahi e tika ana, nā te nui me te whānui o ngā take hei whiriwhiri i te wā i whakaritea.

Tuaritia: