Kaupapa: Te Reo Māori

Reo Māori will benefit economy

  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Mā te aro ki te wāriu o te reo māori me te ako i te reo, ka whai hua pea te ōhanga Māori. Koinā tā Hamiora Jackson, he kai-tiaki pūtea. Hei tā tēnei tauiwi, mā te reo e puta ai ngā hua pakihi me ngā hononga ki te māori.

Ahatia he uri nō Ingarangi, Wērā me Kotimana a Hāmiora Jackson. E ngākaunui ana ia ki te reo me ngā tikanga Māori.

Hei tā  Hāmiora Jackson, Kaitohtohu, Pēke o ANZ, “Ko te mea nui, he whakawhanaungatanga o tētahi iwi ki tētahi atu iwi. Ka kite au i te tino whakahirahiratanga, te tino taonga ki te mōhio i te iwi atu i tāu iwi.”

Kua tekau tau ia e mahi ana mō te pēke o ANZ, ā e whakapono ana ia, he mahinga whai hua mā ngā pakihi ki te ako i te reo Māori.

Ko tā Jackson, Kaitohtohu, Pēke o ANZ, “Ngā kamupene pai, ngā kamupene koi, e mōhio, e mārama ana rātou, mātou anō hoki, me whakanui te kamupene i te reo Māori, i te tikanga Māori, nā te mea, ko te iwi Māori he kiritaki o te kamupene.”

Ko tā Hēmi Dale o Te Puna Wānanga ki Te Whare Wānanga o Tāmaki, me rahi kē ake i ngā reo e rua hei āko.

Hei tā Hēmi Dale, Toihau Whakahaere Hōtaka, Te Puna Wānanga, “Mehemea kei te hiahia whakatipu i te ōhanga o Aotearoa nei, te whakawhanaunga atu ki ngā iwi, e ngā whenua o te ao whānui nei,  e tika ana kia kōrero tō tātou iwi te reo Pākeha, i te reo Māori, me te ako i tētehi anō reo o te ao.”

E whakapono ana a Haami Jackson rāua ko Hēmi Dale, mā te maha ake i ngā waha reo Māori, ka tupu ake te ōhanga Māori, e whā pīriona tāra te uara i tēnei wā.