Kaupapa: Te Reo Māori

Reo evolution in the Nuri whānau

Mere McLean
  • Waikato/Te Waiariki

He whānau kōrero Māori te whānau Nuri o Te Arawa, e whā ngā whakareanga e kōrero Māori ana.  Ko tā rātou e manako nei kia mau tonu, kia poipoi hoki te reo Māori i te kāinga.

Ko te reo Māori e matapoporetia nei ki roto i tēnei whānau. 

E ai ki a Roihana Nuri te mokopuna i roto i tēnei whānau, “Ēhara mātou i te whānau manene reo, manene hōu, he whānau i ako i te reo i ngā reanga.”

Ko te reo Māori te tuakiritanga o te whānau Nuri.

Hei tā te Pāpā o Roihana a Ranea Nuri, “Ki to mātou whakatipuranga, ko te kainga reo, korero tonu ki te kainga reo te mea ake heke iho mai i ngā tūpuna.”

Ko te reo Māori te reo ukaipo o Waimarino Nuri, ā, i āta poipoi ia kia mau te reo Māori ki tōna whānau, “He ngāwari ake te reo o te kainga.  Ka maumahara ahau ki taku kuia, i timata ia ki te korero ki ahau, ana tino pai tana reo.”

Hei tāna anō e ahu whakamua ana te reo Māori ki roto i ana tamariki, mokopuna.

E ai ki a Roihana, “He rerekē taku reo ā kura, ki tērā o te reo ā kainga, ahua taukumekume ana ngā reo e rua, kāre paku mārama ana ki ngā tamariki e puta ana i ngā kura i ēnei rā, i ngā kupu rikiriki he aha atu, he aha atu, nō te mea mōku i konei taku whānau, taku pāpā, taku kuia, taku kōkara, he whakapapa reo tōku.”

Ahakoa ngā tatauranga o Tatauranga Aotearoa e mea ana e heke ana te hunga kōrero i te reo Māori, mo tēnei whānau e mau tonu ana rātou ki to rātou reo. 

Hei tā te irāmutu o tēnei whānau a Waimanea Nuri, “Me pērā tonu ki te toena o mātou, he korero Māori i ia rā, i ia rā, tērā pea me āta tinihia i taua whakaaro, kia ārero katoa tātau i ngā wā katoa.”

Ki te ora te reo Māori ki roto i te kainga, he reo ka ora.