Relevance of sexual education in schools

Heeni Brown
  • Tāmaki Makaurau

Ae ranei, me whai wāhi tonu ngā akoranga mātauranga onioni ki ngā kura? Koira te patai nui, i tukuna ki nga hapori o Tamaki ki Te Tonga.

Ahakoa te taumata. E kore e taea te karo, ko te mahi onioni teera e rongonuitia whanuitia ana.

A, mo nga kaiwhakāko matauranga onioni a Te Kaha o Te Rangatahi, ko te whakākoranga nui, ko te whai mohioranga e tau pai nei te rangatahi i te ao onioni.

Hei tā tetahi o ngā kaiwhakahaere a Te Ao Tanaki, kei reira ratou hei tautoko, “Ko te tumanako o to tatou nei mahi ki te akiaki i a ratou, ki te awhina i a ratou kia mohio hoki ratou kei konei tatou o Te Kaha o Te Rangatahi ki te tautoko i a ratou."

E ai ki te Tumuaki o Te Wharekura o Manurewa a Maahia Nathan he mea tautoko, ā, he kaupapa kua whakaurua ki Te Wharekura, "Tau iwa ki te tekau ma toru kua tae ki te wā me whakaaro ai rātou i te āhuatanga o tēnei kaupapa, a, me pēhea te tiaki i a ratou ano, he aha ngā hua ka puta pena ka uru rātou ki teenei āhua."

Nui ana ngā take e whai pānga ana ki te rangatahi me te onioni, Ko te moroiti Chlamydia te mate-onioni nui rawa atu i ripoatangia i te tau rua mano tekau, a, mo te hunga tekau ma rima tau ki te rua tekau mā iwa tau te kaumatua, ko ngāi Māori me ngāi Pasifika ngā iwi e pāngia kinotia ana.

Mo te taha ki nga tatauranga ta te roopu Whakatu Mauri, o ngā kōhine e toru, he kotahi te kotiro ka tukino pawhera nei ratou i mua noa atu i te tekau mā ono tau te kaumatua. A, mo te kōhine me te wahine Māori, e.....

"Mehemea ka whakaako marika matou i ēnei āhuatanga kia kore ai ratou e taka ki te hē, he mea pai,” hei tā Nathan.

Hei tā Tanaki, kei a ratou etahi kōrero ano hei tautoko, "Kei te tino pirangi matou ki te ako i ngā sexually transmitted infections na te mea ki o matou nei whakaaro, to matou nei tirohanga ki a matou nei tauira i te wā ka haere matou ki te akomanga, kahore ratou i te tino mohio e pa ana ki ēra."

E mea ana Te Kaha o Te Rangatahi me aro mai te kawanatanga ki te homai putea ano, e taea te karo i nga kura maha.