Kaupapa: Mining

Rangona ai te karanga porotēhi e ngā rangatira kei te Hui Hinumata o Aotearoa

  • Te Tai Tokerau
  • Tāmaki Makaurau

Kei Tāmaki Makaurau nei e karahuihui mai ana ngā rōpu me ngā pakihi whai pānga ki te Hui Taumata Hinumata o Aotearoa, i tīmata ki Skycity i te rā nei.

I reira, pāorōro ai hoki tētahi ope e ono rau te tokomaha, i hīkoi mai i te rerenga wairua i te Rāhoroi kua hori ake, ki te whakahē i ngā mahi kēri kōhinu.

A, ko Stat Oil he pakihi o Norway, ko rātau ano te pakihi i tukuna kia whakamatau i tetahi wāhanga papa moana e kotahi mano kiromita pū rua, i Te Tai Tokerau.

Hāunga te karere matua e whakahē mārika ana i ngā mahi kēri papa moana, ara atu ano ngā take whenua e wahangia ana hoki.