Rangitane Kapa Haka Regionals step up a level

Taroi Black
  • Te Tai Hauāuru
  • Te Whanganui-ā-Tara

Ka riro mā te kapa haka o Kairanga te rohe o Rangitāne e whakakanohi ki Te Matatini hei te tau e tū mai nei. I toa i a rātou te whakataetae Taumata Rau inanahi i Te Papaioea.

Nō Kairanga te wā i runga i te papa whakatūwaewae i te Regent Theatre i te Papaioea. A, e rima ngā tāonga matua i whakawhiwhia i te huihuinga Tangata Rau.

“Kua tau te wairua. He nui tonu ngā rohe huri noa kua roa e mahi haka ana, noreira ko ta matou he whakapiki i te mana o te rohe. Koira ta matou e nangaiore nei”, hei tā says Pita Savage te manukuratane o Kairanga.

E ai kit ē tahi o ngā kaiwhakawā a Kingi Kiriona, “Kua piki te taumata o te haka i konei. Mai ano i te wa e tamariki ana ahau i konei. Kua piki te taumata engari me piki ke atu. Kua tikina atu ko te kupu tangata rau hei tahuhu mo tenei whakataetae. Me kite i te tangata rau ki runga i te atamira, me kite i te tangata rau i roto i nga mahi nei ki roto i nga mahi kapa haka, katahi ka kitea i te tino tuturutanga o tena korero.”

I tuarua mai a Te Tu Mataora mā te kotahi māka. Heoi e ora tonu ana te ngākau o te kapa ki ngā whiwhinga.

Hei tā te manukuratane o Te Tū Mataora a Haimona Maruera, ‘I a matou e whakarite ana mo tenei momo tū, ka raupapahia nga korero nga wananga kia kite he aha nga mea e taea e matou te ako.”

Tini whetū ki te rangi. Ko Rangitāne ki te whenua.