Kaupapa: Kapa Haka

Rangitaiki Kapa Haka festival in full swing

updated Mere McLean
  • Waikato/Te Waiariki
Ohope Beach School, Rangitaiki Festival

Ko te wā tuatahi tēnei kia riro mā Kawerau hei hautu i te taiopenga kapa haka o Te Rangitaiki, ki tā te tūmuaki o te kura e manaaki ana i tēnei huinga a Ripeka Lessels o Te Whata Tau o Pūtauaki kua tae noa atu ki te wā kia tū tētahi kaupapa ātaahua ki tōna taone.  Neke atu i te rua tekau tau tēnei hui e haere ana.


Ko tā ngā kaiwhakahaere koinei te timatanga e tika ana hei whakawhanake i ngā mahi ā rēhia me tāne rore. 

Hei tā tētahi kaiwhakawā a Haturiini McGarvey  ko te kaupapa nui ko ngā tamariki, mokopuna ko rātou te āpōpō me kī o ngā whakataetae kapa haka, ā kura tuatahi, ā kura tuarua a Te Matatini hoki. 

Tekau mā toru ngā kura i tū mo te rohe o Mātaatua-Te Rangitaiki, ā e waru rau neke atu te nui o ngā tamariki i tū ki te papa whakatū waewae.

E ai ki a Te Arani Barrett no Ngāti Awa, “there nothing more encouraging about one's own identity when we come together we promote it because we are a collective and we get excited because it's our kids doing it!”

Hei tā Jade McConkindale no Tūhoe, “Ko ngā tamariki te take mo tēnei mo to tātau reo hoki te whakatairanga hoki i ngā kura kaupapa, ngā kura ā iwi me ērā ki te hiki i ngā ahuatanga o a tātau mātua tipuna.”
 
E toru ngā wāhanga o tēnei taiopenga, mai i ngā rōpū kua tū mo te wā tuatahi, tae noa ki ngā rōpū whakangahau, engari ko te wāhanga whakataetae, tokoiwa ngā rōpū e pakanga ana kia riro i a rātou te mana hei whakakanohi i te rohe. 

E ai ki te tumuaki o Te Whata Tau o Pūtauaki a Ripeka Lessels, “Kei runga i ērā kapa te mana o ngā kuia, koroua o Te Rangitaiki.”

Ko tōna tikanga ka tū te wāhanga tohu taonga hei te haurua i te whitu karaka a te pō nei.