Ngā kaupapa: Crime, Prison

Puwhakamua new rehabilitation program for offenders

Mere McLean
  • Waikato/Te Waiariki

E tauawhi nei a Billy Macfalane, kai-mauhere ō mua i te hunga e taka ana ki te hē ki Rotorua i runga i te hiahia kia hoki mai rātou ki te ara tika. Tekau mā wha tau a Macfarlane i noho ki roto i tētahi o ngā whare herehere aukaha o Aotearoa.

He rerekē te ara ma Billy Macfarlane ki te ara i whaia e ia ki rō whare herehere. “Hei whakapiri ai te tangata ki to tātau nei tikanga kia kore ai ia e hoki ki ngā whare herehere kia tāea ai ia te hikoi ki runga i ngā tapuwae o ngā mātua tipuna na te mea na rātou ēnei akoranga i waiho hei poutokomanawa”. Puwhakamua, koinei te kaupapa whakamātūtūnga ki raro o Billy Macfarlane. E aro ana ki te hunga kua puta mai i te whare herehere.

Rima tekau mā tahi pāihēneti o te hunga e noho ana ki te whare herehere ki tā Macfarlane he uaua mo tētahi ki te puta mai i ngā here o te mauāhara. “Kāre he pūtea kei te tino pirangi ki te whakarewa te kaupapa nei na te mea he kaupapa tino rawa atu tēnei. I pātai mai te pātai hei aha tēnei momo akoranga ko te whakautu nei hei whakamāori i te tangata hei whakamana i te tangata”. Ko Paraone Pirika, te heamana o Te Arawa Pukenga Kōeke, ā, e tautoko ana ia i ngā mahi o Macfarlane na runga i te nui o ngā whānau kua raru i te wā ka puta mai tētahi o rātou mai i te whare herehere ka hoki anō ki aua āhuatanga anō.

“He nui wā tātau nei Ngāi Māori mā, e noho taureka ana, e noho taureka ana, tēna hoki wā tātau ārahi ana i raro i te huarahi o te pākeha kei te mōhio mātou ētahi tērā huarahi kāre hei painga mo tātau”. Kotahi tau te roa o tēnei kaupapa ka timata a tērā marama.