Kaupapa: Politics

Pukuriri ana ngā kaipōti o Hauraki-Waikato i te hekenga o Mahuta i te aroākapa o Reipa

  • Tāmaki Makaurau
  • Waikato/Te Waiariki

E pukuriri ana te hunga kaipōti ki te rohe o Hauraki-Waikato i te hekenga tūranga o tā rātou mema pāremata a Nanaia Mahuta i te rārangi kapa o Reipa.

He whakatau ka hoki ki te ngau i a rātou, e ai ki a Tukuroirangi Morgan, he kaiwhakarite kaupapa mō Waikato-Tainui.

Hei tā Morgan, “Ko te mutunga mai o te kūware, ko tō rātou kaiārahi i a Andrew Little, kāore e mōhio ana ki ngā āhuatanga o te ao Māori, kāore e mōhio ana ki ngā tikanga.  ko te whakaiti i tō mātou mema, ko tērā āhuatanga ka hoki mai ki te ngau i te rōpū reipa, kāore e kore.”

Hei tā tēnei rōpū kaumatua o Te Rauawaawa ki Kirikiriroa, ka nui tōna kaha ki te tautoko i a rātou me te iwi, whērā i tōna matua i a Tā Kotahi Mahuta i tōna wā.

Hei tā Morgan, "He aha te hua o te tautoko i te rōpū reipa, inā whakaitihia ngā mema Māori i roto anō i tō rātou rōpū, he tohu tērā, kāre te rōpū nei i te aroha ki a tāua."

Ka mutu, ahatia te kupu a te hunga whakahē, e kore te tōna o tōna rohe e mimiti noa.