Plans are in motion for plain cigarette packaging

  • Te Whanganui-ā-Tara

Ka kite nga pūhera koretohu ki nga toa hokohoko hei te tauhou ia Aotearoa e anga atu ana hei whenua auahi kore i mua i te tau 2025. He whakatau tenei i puta i te Minita Hauora tuarua a Sam Lotu-liga i te rā nei, engari ko te whakapae a etahi he whainga huakore tenei.

He matapihi ki ngā rā o anamata. E ai ki te kawanatanga mā ngā pūhera koretohu ka whakakorea pea te momi tūpeka.

Hei tā, “It will reduce the appeal and acceptability of cigarettes and tobacco it will make warnings more effective.”

E ai ki te kairangahau hauora a Marewa Glover kāore he taunakitanga e tohu ana kua heke iho te hunga kai paipa. Ko te tūmanako a Hapai Te Hauora mā ēnei tohu ka pēra.

“Kia tiro atu ngā rangatahi ki tēra pikitia kia whakamōhio atu ki a ratou me kaua hei momi hikareti na te mea he kino no te oranga and ehara no tatou a ngāi Māori te Tikanga,” hei tā Sativa Herangi.

E ai ki a Tunuiarangi McLean mai Hapai te Hauora, “Ta ratou whakāro kia hangahia ta ratou pikitia nui, kia kitea ai e te marea i roto i tenei hapori o te hauāuru, he mea nui tēra ki au, ekene pea koinei ngā huarahi hei whainga ma tatou, tirohia atu o tatou mokopuna, o tatou tamariki kia ārai atu i te momi tupeka.”

Ka tāea e te iwi whānui te tuku tono mo ngā pūhera koretohu, heoi e ai ki a Sam Lotu-Iiga e aronui ana tēnei kaupapa ki te Māori.

“35% of Māori are smokers and we will be consultating widely.”

Hei te rua tekau ma iwa o Hōngongoi ka kati ngā tono, ka whakatakoto ngā kitenga ki te runanga matua a te kāwanatanga hei te paunga o te tau.