Ōrākei strengthen relationship with new Mayor

  • Tāmaki Makaurau

Kua pōwhiringia te koromatua o Tāmaki Makaurau a Phil Goff me āna kaikaunihera ki runga i te marae o Ōrākei, e te iwi kainga o Ngāti Whātua o Ōrākei.  Koinā tōna haerenga tuatahi hei koromatua ki reira, ā, e ai ki te marae poutiaki a Taiaha Hawke, he wā whakawhanaungatanga hoki mā rātou ki te taha o te koromatua hou.

E kakama ana ngā ahikā o Ōrākei ki te pōwhiri atu i te upoko hou o Tāmaki Makaurau ki tō rātou nā marae

E ai ki tētahi Poutaki o Ngāti Whātua o Ōrākei a Taiaha Hawke, “Kua puta te ihu a Phil Goff i tēnei wā, koia te koromatua hou o Tāmaki nā reira, e tika ana me whakarata te Māori ki a ia, kia mōhio ia he aha ngā moemoeā, he aha ngā wawatā, he aha ngā nawe kei roto o tēnā hapori Māori, tēnā hapori Māori.”

I te wā mihimihi, i tū ohorere atu āi a kaumātua Joe Hawke me tana īnoi atu ki tōna hoa tōrangapū o mua o te Rōpū Reipa

Hei tā te Koromatua o Tāmaki Makaurau a Phil Goff, “I did not promise Joe that I was going to bring rates down, he did say that with a smile.”

E ai ki a Phil Gof, he iti ake ngā kāinga koporeihana i Tāmaki Makaurau mai i ngā tau whā tekau.  Ā, e aronui ana a Goff ki te whakamahi i ana pūkenga tōrangapū kia hanga whare hou.

“It's also about advocacy to central government because they have the resources that we need for more affordable housing for more state housing.”

Ma tēnei tūtakinga kua rite a Ngāti Whātua ki te whakapakari I tā rātou hononga ki te kaunihera o Tāmaki Makaurau. Ā hei tā te iwi kua manene taua hononga I roto I ngā tau e ono kua hipa I raro I te koromatua ō mua a Len Brown. Ināianei kua whakatakoto te iwi I a rātou wawata me te tūmanako ka anga whakamua rātou I raro I te koromatua hou.

Hei tā Tētahi mema o Ngāti Whātua o Ōrākei a Joe Pihema, “Ko tā mātou hiahia kia hoki atu ki ngā tau o mua.  Ki te wā i noho tahi a Ngāti Whātua me te tari o te kaunihera.”

E ai ki a Goff, ka kore ngā rēti whare i Tāmaki e kake ake i te rua ira rima ōrau